Tipe-tipe Murid Nyontek Kancane

Awakmu tau gak sih, nduwe konco sing tukang nyontek. Ing dunya iki akeh model nyontek. Enek sing model nyonteke santun, modus manja, nganti sing ngelamak.

Ing kene aku bakal njelasna tipe-tipe wong nyontek.

1.      Abdi Dalem Kraton

“Mbak-mbak misi, kula badhe nyontek. Saget nopo mboten?”

Hla tipe sing kaya ngene isih apik, masio sakjane nyontek iku gak enek apik-apike belas.

2.      Modus Manja

“Mas-mas,” kandhane Santi menyang Bambang karo matane merem melek kaya wong kesetrum.

“Opo?”

“Iki lo Mas, nomer 1 opo? .” karo tangane Santi dulit-dulit ing wajahe Bambang.

            “B”

            “Kok aku F yo mas?”

            “Ngawur ae, wong pilihan jawabane mung nganti E. Awakmu mendem opo piye?”

            “Ora Mas, F iku Falling in love with you.”

            Wong iki gung sarapan opo piye,  batine Bambang.

3.      Terus ana maneh tipe ngelamak

Tipe iki yen diwenehi perhatian langsung baper njaluk jadian. Ora-ora, iki tipe yen diwenehi ati ngrogoh rempela. Kaya cerita iki.

Ana bocah jenengen Lola lan Ani. Lola iki bocahe males, opo-opo yen ana tugas utaa ulangan mesthi nyontek.  Bocah sing biyasane diandalna karo Lola iku Ani. Nanging goro-goro masalah nyonto iki, Lola lan Ani ora bisa kekancan apik maneh.

“Heh Ni, nomer siji opo?”

“B” kandhane Ani.

“Hla nomer 7?”

“D”

“Hla lek nomer 9 nganti 25?”

“Hla awakmu iki gendeng opo piye? Soal ae mung nganti 20. Ngeneki lak yo podo ae aku ngerjakne soalmu.”

Sak bubare iku, Lola malih rada pegel karo Lola. Terus dina sakwise isih ana ulangan fisika. Lola iki bingung banget, soale kanca-kancane sak kelas iki ora pati ana sing nggenah karo pelajaran Fisika, kecuali Ani lan bolo-bolone. Akhire kepeksa Lola takon menyang Ani.

“An, aku arep takon, nomer siji thok opo?”

“B”

“Nomer 4?”

“C”

“Hla nomer 6 nganti 12?”

Amarga ngerasa yen Lola wes kumat ngelamake. Ani ora nanggepi.

“An mengo tho, iki angel tenan. An! Ani!”

Nanging Ani mung meneng ae. Sakbanjure ulangane mari, dudune matur suwun wis dicontoni, Lola malah nyacati Ani.

“Wes yo rek, ngene iki yen arep ulangan iku, nang dokter THT dhisik. Supaya yen ulangan iku ora sok mbudeki.”

Lola ngomong kaya ngono ing cedhake Ani lan kanca-kancane.

Awale Ani mung ngejarne wae, nanging amarga risih akhire Ani malik omongane Lola, “Yo ngene iki rek yen arep ulangan menyang omahe sik silaturahimi. Supya yen ulangan iku ora sok akrab. Wong saben lewat ae mlengos tok. ”